XƏBƏR LENTİ

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 27-ci bəndini rəhbər tutaraq qərara alır:

“Azərbaycan Respublikasının Mərkəzi Bankı haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2004, N 12, maddə 984; 2007, N 6, maddə 562, N 10, maddə 938, N 12, maddə 1196; 2009, N 6, maddə 404, N 7, maddələr 507, 517; 2010, N 10, maddə 839; 2011, N 7, maddə 612; 2014, N11, maddə 1371; 2015, N 6, maddə 684, N 11, maddə 1296; 2016, N 3, maddə 405, N 11, maddə 1771; Azərbaycan Respublikasının 2017-ci il 25 aprel tarixli 648-VQD nömrəli Qanunu) 12.2-ci maddəsinə “dövlət büdcəsinə” sözlərindən sonra “(o cümlədən müvafiq icra hakimiyyəti orqanının müraciətinə əsasən müvafiq icra hakimiyyəti orqanı ilə razılaşdırmaqla dövlət zəmanəti üzrə borc öhdəliklərinin yerinə yetirilməsini təmin etmək üçün “Büdcə sistemi haqqında” Azərbaycan Respublikasının Qanununa müvafiq olaraq yaradılan məqsədli büdcə fonduna)” sözləri əlavə edilsin.

İlham ƏLİYEV,

Azərbaycan Respublikasının Prezidenti.

Bakı şəhəri, 13 iyun 2017-ci il.

“Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 30 iyun tarixli 757-VQD nömrəli Qanununun tətbiqi və “Azərbaycan Respublikasının Mərkəzi Bankı haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 27 may tarixli 237 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 30 iyun tarixli 757-VQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədi ilə qərara alıram:

1. Azərbaycan Respublikasının Nazirlər Kabineti:

1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

1.2. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

1.3. mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

1.4. həmin Qanundan irəli gələn digər məsələləri həll etsin.

2. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların “Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

3. “Azərbaycan Respublikasının Mərkəzi Bankı haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 27 may tarixli 237 nömrəli Fərmanının (Azərbaycan Respublikasının Qanunvericilik Toplusu, 2005, N 5, maddə 402; 2010, N 2, maddə 80) 2.5-ci bəndində “38.3-cü” sözləri “22.0.5-ci, 22.0.8-ci, 22.0.13-cü, 22.0.16-cı, 38.3-cü” sözləri ilə əvəz edilsin.

İlham ƏLİYEV,

Azərbaycan Respublikasının Prezidenti.

Bakı şəhəri, 13 iyul 2017-ci il.

“Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2017-ci il 13 iyun tarixli 743-VQD nömrəli Qanununun tətbiqi və “Azərbaycan Respublikasının Mərkəzi Bankı haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 27 may tarixli 237 nömrəli Fərmanında dəyişikliklər edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2017-ci il 13 iyun tarixli 743-VQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədi ilə qərara alıram:

1. Azərbaycan Respublikasının Nazirlər Kabineti:

1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

1.2. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

1.3. mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

1.4. həmin Qanundan irəli gələn digər məsələləri həll etsin.

2. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların “Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

3. “Azərbaycan Respublikasının Mərkəzi Bankı haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 27 may tarixli 237 nömrəli Fərmanına (Azərbaycan Respublikasının Qanunvericilik Toplusu, 2005, N 5, maddə 402; 2010, N 2, maddə 80) aşağıdakı məzmunda 2.1-1-ci və 2.1-2-ci bəndlər əlavə edilsin:

“2.1-1. həmin Qanunun 12.2-ci maddəsində nəzərdə tutulmuş müvafiq icra hakimiyyəti orqanının səlahiyyətlərini birinci halda Azərbaycan Respublikasının Maliyyə Nazirliyi, ikinci halda Azərbaycan Respublikasının Prezidenti həyata keçirir;

2.1-2. həmin Qanunun 12.2-ci maddəsində nəzərdə tutulmuş “məqsədli büdcə fondu” dedikdə Dövlət zəmanəti ilə alınan borcların Təminat Fondu nəzərdə tutulur;”.

 

İlham ƏLİYEV,

Azərbaycan Respublikasının Prezidenti.

Bakı şəhəri, 13 iyul 2017-ci il.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Azərbaycan İpoteka Fondu” Açıq Səhmdar Cəmiyyətinin yaradılması haqqında” Azərbaycan Respublikası Prezidentinin 2015-ci il 27 oktyabr tarixli 661 nömrəli Fərmanında   (Azərbaycan Respublikasının Qanunvericilik Toplusu, 2015,       N 10, maddə 1133; 2016, N 6, maddə 1036; 2017, N 4, maddə 525) aşağıdakı dəyişikliklər edilsin:

1.1. 3.2-ci bənddən “və təftiş komissiyası” sözləri çıxarılsın;

1.2. 3.5-ci bənd aşağıdakı redaksiyada verilsin:

“3.5. Cəmiyyətin güzəştli ipoteka kreditləşməsinə cəlb etdiyi vəsait, yaşayış sahəsinin 1 kvadratmetri üçün hesablanan qiyməti güzəştli ipoteka kreditinin verilmə tarixinə Bakı şəhəri, habelə onun qəsəbə və kəndləri üzrə zonalarda, ölkənin digər şəhər və rayon ərazilərində orta bazar qiymətindən artıq olmayan yaşayış sahələrinin alınmasına yönəldilir;”.

2. Azərbaycan Respublikasının Nazirlər Kabineti:

2.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

2.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

2.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

2.4. bu Fərmandan irəli gələn digər məsələləri həll etsin.

3. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

İlham ƏLİYEV,

Azərbaycan Respublikasının Prezidenti.

Bakı şəhəri, 13 iyul 2017-ci il.

“Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 15 fevral tarixli 795 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qrant haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2017-ci il 1 fevral tarixli  513-VQD nömrəli Qanununun tətbiqi ilə əlaqədar qərara alıram:

“Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 15 fevral tarixli 795 nömrəli Fərmanının (Azərbaycan Respublikasının Qanunvericilik Toplusu, 2016, N 2 (II kitab), maddə 259, N 3, maddə 460, N 4, maddə 670, N 6, maddələr 1025, 1063, N 7, maddə 1272, N 9, maddə 1468, N 10, maddələr 1614, 1638; 2017, N 2, maddələr 176, 202, N 3, maddə 351, N 4, maddələr 530, 537; Azərbaycan Respublikası Prezidentinin 2017-ci il 21 iyun tarixli 1485 nömrəli Fərmanı) 5.48-ci bəndinə “şəxslərinə” sözündən sonra “və publik hüquqi şəxslərə” sözləri əlavə edilsin.

 

İlham ƏLİYEV,

Azərbaycan Respublikasının Prezidenti.

Bakı şəhəri, 19 iyul 2017-ci il.

Xəbər verdiyimiz kimi,  Azərbaycan Prezidenti İlham Əliyev iyulun 16-17-də Riqada rəsmi səfərdə olub. Latviyalı ekspertlərin fikrincə, bu səfər iki ölkə arasında yeni strateji tərəfdaşlıq səhifəsi açıb. Səfər çərçivəsində Azərbaycan Prezidenti İlham Əliyev və Latviya Prezidenti Raymonds Veyonis iki ölkə arasında daimi siyasi dialoqu, iqtisadi əməkdaşlıq proqramını, habelə təhsil və mədəniyyət sahələrində qarşılıqlı fəaliyyəti nəzərdə tutan “Azərbaycan Respublikası ilə Latviya Respublikası arasında strateji tərəfdaşlığın yaradılması haqqında Birgə Bəyannamə” imzalayıblar.  

 

Azərbaycan artıq Avropa İttifaqının üzvü olan 11 ölkə ilə strateji tərəfdaşlıq haqqında sənədlər imzalayıb. Azərbaycan ilə Latviya arasında strateji tərəfdaşlıq haqqında Bəyannamə Avropa İttifaqı və Azərbaycan arasında mümkün sazişlər üçün də gözəl zəmindir.

Səfər çərçivəsində beynəlxalq kombinə edilmiş yükdaşımaları, tikintidə təhlükəsizliyə dövlət nəzarəti və təhsil sahələrində də sənədlər imzalanıb.

Latviya Prezidenti Raymonds Veyonis vurğulayıb ki, Azərbaycan Latviyanın mühüm tərəfdaşıdır və ikitərəfli münasibətlər sıx dostluq əlaqələrinə əsaslanır. O əmin olduğunu bildirib ki, imzalanmış Bəyannamə Latviya-Azərbaycan münasibətlərinin genişlənməsinə müsbət təsir göstərəcək. Latviya dövlətinin başçısı bəyan edib ki, onun ölkəsi Avropa İttifaqı ilə Azərbaycan arasında əlaqələrin möhkəmlənməsini həmişə dəstəkləyib. Bu ilin sonunda növbəti Şərq Tərəfdaşlığı Sammiti keçiriləcək və bununla əlaqədar olaraq, müxtəlif çevik yollar tapılacaq ki, Azərbaycan ilə Avropa İttifaqı arasında əməkdaşlıq daha da genişlənsin.

Raymonds Veyonis növbəti dəfə bəyan edib ki, Latviya Azərbaycanı, onun suverenliyini və ərazi bütövlüyünü dəstəkləyir. Onun sözlərinə görə, Dağlıq Qarabağ münaqişəsi yalnız danışıqlar masası arxasında sülh yolu ilə nizamlanmalıdır və bu proses beynəlxalq hüququn norma və prinsiplərinə əsaslanmalıdır.

Azərbaycan Prezidenti İlham Əliyev əmin olduğunu bildirib ki, səfərin yekunları çox müsbət olacaq və Latviya-Azərbaycan əlaqələri yeni pilləyə yüksələcək. Dövlətimizin başçısı qeyd edib ki, ciddi və sanballı sənəd olan Birgə Bəyannamədə Ermənistan-Azərbaycan, Dağlıq Qarabağ münaqişəsinin nizamlanması ilə bağlı çox mühüm məsələlər əksini tapıb. Sənəddə vurğulanır ki, bu məsələ BMT Təhlükəsizlik Şurasının müvafiq qətnamələri, Azərbaycanın ərazi bütövlüyü və suverenliyi, onun sərhədlərinin toxunulmazlığı çərçivəsində həll olunmalıdır. Prezident İlham Əliyev vurğulayıb ki, bu, ədalətli mövqedir.

Azərbaycan dövlətinin başçısı turizm sahəsinə də xüsusi diqqət yetirərək qeyd edib ki, ölkələrimiz arasında müntəzəm Riqa-Bakı reysləri həyata keçirilməlidir və artıq müvafiq göstərişlər verilib.

Səfər çərçivəsində Azərbaycan İqtisadiyyat Nazirliyi, Azərbaycanda İxracın və İnvestisiyaların Təşviqi Fondu (AZPROMO) və Latviya İnvestisiyalar və İnkişaf Agentliyi tərəfindən təşkil edilmiş biznes forumda hər iki tərəfdən 120-dən çox şirkəti təmsil edən təqribən 200 sahibkar iştirak edib. Prezident İlham Əliyev beynəlxalq enerji bazarlarında iri oyunçu kimi Azərbaycanın əhəmiyyətinin artması barədə məlumatı latviyalı sahibkarların diqqətinə çatdıraraq qeyd edib ki, hazırda Azərbaycanda birbaşa Avropanın və ölkəmizin maraqlarının təmin olunmasına istiqamətlənmiş enerjinin şaxələndirilməsi üzrə mühüm layihə - “Cənub Qaz Dəhlizi” layihəsi həyata keçirilir.

İlham Əliyev Latviya şirkətlərini Azərbaycanda həyata keçirilən iri infrastruktur layihələrinə sərmayə yatırmağa dəvət edib. Azərbaycan dövlətinin başçısı diqqətə çatdırıb ki, ölkəmiz iqtisadiyyatımızın sabitliyini və proqnozlaşdırılmasını təmin etməyə qadir olan əsaslı maliyyə resurslarına malikdir. Bu maliyyə resursları Azərbaycanın xarici borcunu beş dəfə üstələyir.

Ölkələrimiz arasında ikitərəfli əməkdaşlığın potensialını latviyalı ekspertlər də qiymətləndiriblər. Latviya Xarici Siyasət İnstitutunun tədqiqatçısı Maris Ancas hesab edir ki, ölkələrimiz arasında yaxşı siyasi dialoq mövcuddur. Bu dialoqu iqtisadi sahədə əməkdaşlığın məzmunu ilə zənginləşdirmək olar. M.Ancans təhsili ən böyük əməkdaşlıq sahəsi adlandırıb.

Bundan əlavə, ekspertlər iqtisadi əlaqələri inkişaf etdirmək üçün mövcud böyük potensialdan faydalanmağın labüdlüyünü vurğulayırlar. Latviya İnvestisiyalar və İnkişaf Agentliyinin təqdim etdiyi rəqəmlər bu potensialdan heç də həmişə tam istifadə olunmadığını göstərir. Agentliyin məlumatına görə, ötən il Latviya ilə Azərbaycanın ümumi əmtəə və xidmətlər dövriyyəsi 23,8 milyon avro təşkil edib, Azərbaycan Latviyanın xarici ticarət tərəfdaşları siyahısında 61-ci yerdədir. Azərbaycana ixrac 21,2 milyon avro və ya Latviyanın ümumi ixracının 0,1 faizini, Azərbaycandan idxal 2,6 milyon avro və ya ümumi idxalın 0,02 faizini təşkil edib.

Azərbaycan Prezidentinin Latviyaya rəsmi səfərinin əhəmiyyəti bu ölkənin KİV-lərində geniş işıqlandırılıb. Latviyanın “Neatkarg Rta Avze Latvijai”, “Latvijas Avze”, “Diena”, “bnn.lv” kimi aparıcı xəbər agentlikləri bildirirlər ki, İlham Əliyevin Riqaya səfəri Latviya-Azərbaycan əlaqələrini strateji tərəfdaşlıq dərəcəsinə yüksəldib. Mətbuat yazır ki, Latviya ölkələrimiz arasında energetika, təhsil və elm, informasiya texnologiyaları, əczaçılıq və tikinti sənayesi, müntəzəm hava nəqliyyatının yaradılması sahələrində əməkdaşlığın inkişafında maraqlıdır. Bu da işgüzar əlaqələri asanlaşdıracaq və turizm sektoruna yaxşı dəstək olacaq. Mətbuat yazır ki, Azərbaycan Dünya Bankının “Doing Business” reytinqində müəssisələrin yaradılmasının asanlığına görə fəxri 5-ci yeri tutaraq, bu göstərici üzrə həmin siyahıda 22-ci yerdə qərarlaşan Latviyanı xeyli geridə qoyub.

Bildirilir ki, İlham Əliyev Azərbaycan ilə Latviya arasında strateji tərəfdaşlıq haqqında Birgə Bəyannamənin imzalanmasını qüsursuz ingilis dilində qeyd edib, əmtəə dövriyyəsinin genişlənməsini və Riqa biznes forumu çərçivəsində müqavilələrin imzalanmasını prioritet adlandırıb. Dövlətlərarası Komissiya sahə nomenklaturasını razılaşdıra, investisiya portfelini həyata keçirə biləcək.

Latviya KİV-ləri əmindirlər ki, Azərbaycan-Latviya münasibətləri daha da güclənir.

http://monitorings.leta.lv/pdf/P4AFF7FCD-DDB1-4F23-8C4D-9E75264B11C9/

http://monitorings.leta.lv/pdf/P1CF5978E-8AF7-4D45-BD73-286D4644CD7C/

http://monitorings.leta.lv/pdf/P25A9CCA6-6DB8-4EB6-8082-4BA9698475C9/

http://bnn.lv/vejonis-par-ciesaku-sadarbibu-ar-azerbaidzanu-237697

 

AZƏRTAC

Azərbaycan Respublikası Baş nazirinin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədovun rəhbərlik etdiyi nümayəndə heyəti iyulun 17-19-da BMT-nin  mənzil-qərargahında keçirilən Yüksək Səviyyəli Siyasi Forumda Azərbaycanın Dayanıqlı İnkişaf Məqsədlərinə dair ilk könüllü milli icmalının təqdim edilməsi məqsədilə Nyu-Yorkda səfərdədir.

Nazirlər Kabinetinin mətbuat xidmətindən AZƏRTAC-a bildiriblər ki, səfər çərçivəsində Baş nazirin müavini Əli Əhmədov BMT-nin İnkişaf Proqramının rəhbəri Akim Steyner ilə görüşüb.

Görüşdə Baş nazirin müavini son illər Azərbaycanın sürətli inkişafa nail olduğunu və bunun nəticəsində ölkədə yoxsulluq həddinin 49 faizdən 5 faizə qədər azaldığını diqqətə çatdırıb. Əli Əhmədov BMT-nin İnkişaf Proqramının Azərbaycanda həyata keçirdiyi uğurlu layihələrin müsbət nəticələr verdiyini, eyni zamanda, İnkişaf Proqramının bir sıra sahələrdə bacarıqların artırılması, texniki dəstək və regional inkişaf proqramlarına töhfə verdiyini vurğulayıb. BMT-nin İnkişaf Proqramının Azərbaycan ilə əlaqələrinin vacibliyini vurğulayan Əli Əhmədov təşkilatın növbəti illərdə də ölkəmizdə həyata keçirilən müxtəlif inkişaf proqramlarına töhfə verəcəyinə əminliyini bildirib.

Azərbaycanın inkişaf göstəricilərinə görə son illərdə böyük uğurlara imza atdığını qeyd edən BMT-nin İnkişaf Proqramının rəhbəri Akim Steyner təmsil etdiyi qurumun Azərbaycan ilə əlaqələrin genişləndirilməsinə böyük önəm verdiyini vurğulayıb. O, Azərbaycanın Minilliyin İnkişaf Məqsədlərinə nail olunmasında qazandığı təcrübənin Dayanıqlı İnkişaf Məqsədlərinin də həyata keçirilməsinə töhfə verəcəyini qeyd edib.

 

 

AZƏRTAC

İyulun 19-da Azərbaycan Respublikasının müdafiə naziri, general-polkovnik Zakir Həsənov ölkəmizdə səfərdə olan Pakistan İslam Respublikasının Fəlakətlərin İdarəolunması Milli Agentliyinin sədri, general-leytenant Omar Mahmud Hayatın rəhbərlik etdiyi nümayəndə heyəti ilə görüşüb.

Müdafiə Nazirliyinin mətbuat xidmətindən AZƏRTAC-a bildiriblər ki, görüşdə Azərbaycan ilə Pakistan arasında hərbi, hərbi-texniki və hərbi təhsil sahələrində əməkdaşlığın uğurlu nəticələri və inkişaf perspektivləri müzakirə olunub.

Qeyd olunub ki, bu əməkdaşlıq dostluq münasibətləri üzərində qurulub və bundan sonra da daim inkişaf edəcək. Hərbi əlaqələrin hər iki ölkənin maraqlarına cavab verdiyi bildirilərək bu istiqamətdə səylərin daha da artırılmasının vacibliyi vurğulanıb.

Bölgədəki hərbi-siyasi vəziyyətə toxunan müdafiə naziri Ermənistan-Azərbaycan, Dağlıq Qarabağ münaqişəsi barədə məlumat verərək Pakistanın beynəlxalq təşkilatlarda Azərbaycanın mövqeyini dəstəkləməklə xalqımızın haqq işinə kömək etməyə hazır olmasını xüsusi qeyd edib.

Ölkəmizə səfərdən məmnunluğunu ifadə edən general-leytenant Omar Mahmud Hayat Azərbaycan-Pakistan münasibətlərinin möhkəmlənməsində bu cür görüşlərin və qarşılıqlı əlaqələrin genişləndirilməsinin zəruriliyini qeyd edib. Pakistanın Dağlıq Qarabağ münaqişəsində Azərbaycanın ərazi bütövlüyünü qəti şəkildə və birmənalı olaraq dəstəklədiyini vurğulayan qonaq Kəşmir məsələsində ölkəsinə göstərilən dəstəyə görə Azərbaycan xalqına minnətdar olduğunu bildirib.

Tərəflər, həmçinin regional təhlükəsizlik, terrorizmlə mübarizə və qarşılıqlı maraq doğuran digər məsələlər ətrafında fikir mübadiləsi aparıblar.

 

 

AZƏRTAC

Azərbaycanın gənclər və idman naziri Azad Rəhimovun rəhbərlik etdiyi nümayəndə heyəti Portuqaliyanın gənclər və idman üzrə dövlət katibi Joao Paulo Rebelonun dəvəti ilə bu ölkədə səfərdədir. 

AZƏRTAC xəbər verir ki, nazir Azad Rəhimovun portuqaliyalı həmkarı ilə görüşündə ölkəmizdə keçirilmiş birinci Avropa Oyunları, 42-ci Ümumdünya Şahmat Olimpiadası, Formula-1 yarışı, IV İslam Həmrəyliyi Oyunları kimi böyük idman tədbirlərinin təşkili sahəsində Azərbaycanın qazandığı təcrübə ilə bağlı fikir mübadiləsi aparılıb. Söhbət zamanı gənclər və idman sahələrində əməkdaşlıq məsələləri müzakirə edilib, perspektivlər üçün təkliflərin hazırlanması fikri irəli sürülüb.

Azad Rəhimov Avropa İttifaqına üzv ölkə kimi Portuqaliyada gənclər və idman sahələrində görülən işlərlə daha yaxından tanış olmaq məqsədilə bu ölkədə gənclər və idman sahələrinə məsul bir sıra rəsmi şəxslərlə görüşlər keçirib, idman arenaları, Milli Gənclər Mərkəzi və bir sıra məkanlara səfərlər edib.

 

 

AZƏRTAC

Cümə axşamı, 20 İyul 2017 09:30

12 dövlət əmlakı özəlləşdirilib

Əmlak Məsələləri Dövlət Komitəsi dövlət əmlakının özəlləşdirilməsi sahəsində müasir çağırışları nəzərə alaraq yeni yanaşmaların tətbiqini genişləndirir. Komitə özəlləşdirmə prosesində maksimum operativliyi təmin etmək və böyük investor kütləsini bu prosesə cəlb etmək üçün mühüm işlərə imza atır. İnnovativ idarəetmə üsulunun tətbiq edildiyi vacib sahələrdən biri də Komitə tərəfindən təşkil olunan açıq və şəffaf hərraclardır. İstənilən şəxs hərracda həm iştirakçı qismində qatıla, həm də ziyarətçi olaraq canlı izləyə bilər. Hərraclarda şəffaflığı artırmaq məqsədilə ictimai nəzarət və səmərəlilik prinsipləri təmin olunur.

Əmlak Məsələləri Dövlət Komitəsi tərəfindən növbəti belə hərrac 18 iyulda keçirilib. Hərracda özəlləşdirilən əmlaklardan 2-si kiçik dövlət müəssisəsi, 8-i istifadəsiz qeyri-yaşayış sahəsi, 2-si isə nəqliyyat vasitəsidir. Bakı şəhəri üzrə 7 istifadəsiz qeyri-yaşayış sahəsi, respublikanın digər şəhər və rayonları üzrə 2 kiçik dövlət müəssisəsi və 1 istifadəsiz qeyri-yaşayış sahəsi hərrac zamanı özəlləşdirilib.

Hərracda ən yüksək qiymətə özəlləşdirilən əmlak Gəncə şəhərində yerləşən “Smena” kinoteatrı olub. Həmin əmlakın torpaq sahəsi 604 kv.m, ümumi faydalı sahəsi isə 519 kvadratmetr təşkil edir. Qeyd edilməlidir ki, hərracda özəlləşdirilən kiçik dövlət müəssisəsi müvafiq olaraq Gəncə şəhərində və Ağdaş rayonunda yerləşir.

Bakı üzrə hərracda özəlləşdirilmiş 7 istifadəsiz qeyri-yaşayış sahəsinin 2-si Yasamalda, 2-si Xətaidə, digərləri isə müvafiq olaraq Nizami, Suraxanı və Nəsimi rayonlarında yerləşir. Özəlləşdirilən istifadəsiz qeyri-yaşayış sahəsinin biri isə Gəncə şəhərindədir. İstifadəsiz qeyri-yaşayış sahələrindən ən yüksək qiymətə özəlləşdirilən əmlak paytaxtın Yasamal rayonunda yerləşir. Həmin əmlakın ümumi faydalı sahəsi 137 kvadratmetrdir. Budəfəki hərracda özəlləşdirilən belə əmlakların ümumi faydalı sahəsi 17 kvadratmetrdən 71 kvadratmetr arasında dəyişib.

Hərracda özəlləşdirilən nəqliyyat vasitəsinə isə müvafiq olaraq ən son 5200 və 3500 manat təklif edilib,

Prosedurun sadə olması da investorların marağını cəlb edən əsas üstünlüklərdən biridir. Hazırda sadə prosedura əsasən hərraca qatılmaq üçün Özəlləşdirmə portalı üzərindən əmlakı seçib sifariş vermək kifayət edir. Portalda hər bir əmlakın mövqeyi, yerləşməsi, mövcud vəziyyəti barədə fotoşəkillər və mətn məlumatları var. Qeyd edilməlidir ki, portaldan istifadə edənlərin sayı 700 mindən artıqdır.

Hərrracların keçirilməsinin bir sıra iqtisadi üstünlükləri mövcuddur. Belə ki, proses ölkədə özəlləşdirməni sürətləndirir, iri və orta portfelli sahibkarlığın inkişafına dəstək verir. Eləcə də müxtəlif iqtisadi sahələrdə, o cümlədən pambıqçılıq, quşçuluq, tikinti, nəqliyyat, xidmət və sair sahələrin canlanmasına və inkişafına təkan olur. Belə müəssisələr və obyektlərdə fəaliyyət yenidən daha müasir şərtlərlə bərpa edilir. Bu isə paytaxtla yanaşı, regionlarda yeni iş yerlərinin açılmasına səbəb olur. 

Əmlak Məsələləri Dövlət Komitəsi qeyri-yaşayış sahələrinin müsabiqə vasitəsi ilə icarəyə verilməsi istiqamətində də fəaliyyətini davam etdirir.

Nəriman CAVADOV,

“Respublika”.

2 -dən səhifə 1261